Choose another map, showing:

• Amazon
• South America
• Transatlantic
• The World

Other entries in Tulcán

Guayaquil - Tulcan

27.10.2006 - 22.11.2006

Guayaquil:             TAG DER HOCHZEITSTÄUBCHEN :-)               27.10.2006
Die Hochzeitstäubchen haben sich vermäääählt! Em Ehepaar Torregiani - Schweitzer aues gueti zu däm grossä Tag. Aha ja, und merci de no für d Iladig...
Pünktlech hei d Karen und dr Al Ecuador verlah. Da üses Hotel diräkt ir Flugschneisä liegt, hei mir dä Abflug mit dr Santa Barbara live chönnä mitverfolgä! Ohni Eväääls isch's nur no haub so luschtig, drum hei mir d Stadt eigentlech ou so schnäu wie möglech wöuä verlah! Isch üs aber no nid glungä, da mir no verschiednigs hei müessä erledigä. Drunger ou ä Benzinfilterwächsu, wo grad über 2 Stund i Aspruch hett gno. So verbringä mir no ä witteri Nacht zwischä Ghup und Fluglärm ir gröschte Stadt Ecuadors :-(

Guayaquil - Riobamba:                         28.10.2006
Hütt hei mir üs ändgültig vo Guayaquil chönnä trennä! Wie mir scho befürchtet hei, hett üs d Strecki nach Riobamba dür nä trischti Bärggägend gfüehrt! Uf 3'500 Meter hei mir gruusigs Rägäwätter und nur no 5 Grad gha! Klimaschock schlimmer aus ir Schwitz :-(((

Riobamba - Banos:                       29.10./30.10.2006
Riobamba isch nid grad so dr Hit gsi. Vulkan hei mir keinä gse und ou süsch hett die Stadt nid grad allzuviel ds biete! Uf am nä schäbigä Parkplatz i rä Schrinerei hei mir üs niederglah. Leider isch de ds Tor vor Garage aber zue gsi, wo mir ids Outo hättä wöuä ga äs Fondue chöcherle! So hei mir üs ds Fondue leider müessä abschminke! I dä Flip Flops und churznä Chleider (dür ä Tag no agnähmi 24 Grad warm, am Abä brrrrrr 13 Grad) hei mir i rä mingä Beiz gässe...
Tags druf, hett es Gwitter tobet! Wägem schlächte Wätter, hei mir dr Tag houptsächlech im Internet verbracht. Üses Leid - öii Fröid :-) Riobamba isch bi dä meischte Touris bekannt für näs spektakulärs Dampf-Isäbahn-Fährtli ufem Dach und Biking-Tours. Für d Dampf-Isäbahn hättä mir no 2 Täg müessä warte und mit keim angerä Usflügli wär di Zit ds überbrückä gsi. Bi denä Wulkä räntiert sech gar nüt! Da si d Schwitzer Bärgä 1000 x schöner...Gäu Stöffs!!! Für d Strecki Riobamba - Banos hei mir prompt ä haubä Tag vergüdet, obschons nur ca. 60 Km si! Churz vor Banos hei üs streikendi Busfahrer stupid d Strass versperrt. Wie d Volldeppä hei sie ihri Bösslis quergstellt und mir si mittsdrin blibä steckä. Dämlecher giengs nümme!!! Wo mir hei gfragt, was das ganzä söu, hett natürlech keinä ä Antwort chönnä gä. Us Schwitzer göng das üs eh nüt a, isch d Antwort gsi! Flott, flott hett dr Märsu dänkt und grad ä Bus agschiffet...Ds einzigä Hightligt vom Tag si eidütig Röschti und Fondue gsi. Mhhhhhhh! Merci beaucoup Karen!!! Zum Fondue wär eigentlech argentinische Cafayate hammermässigä spize the best of Wysswy vorgseh gsi. Leider isch dä aber plötzlech unuffindbar gsi! Höchschtwahrschinlech isch är üs bi rä Outowäschetä ds La Paz abhande cho. Ä billigä Clos im Büttu hett aber de si Zwäck ou erfüllt und ds Fondue isch ä Goumäschmaus gsi!
Banos: HALLOWEEN :-)
Scho am Morgä si mir vom nä riesigä Donner gweckt wordä. Dr aktiv Vulkan Tungurahua  (5'016 m.ü.M.), oder äch doch nur Halloween Fürwärk??? Mir wüsses nid so genau. Ds gruusig, chautä Rägäwätter isch grad perfekt gsi, für i näs agnähms, warms Thermalbad ds stigä. Mir hei üs für ds Bad de la virgen entschiedä, diräkt ungerem nä Wasserfau. Äs wunderschöns Iheimisch-Bädli. Das hett Vor- und Nachteilä: Zwar billig und schön, aber leider total unhygienisch! Di Iheimischä choderä dört a Bodä wie's nä grad passt!!! Ou visuell isch's mängisch arg ar Gränzä vom Erträglechä gsi. Nüt vo Latino Charm-und Schönheitä! Schweissgeruch isch üs vo überall id Nasä gstochä. Am Nami si mir no chli dür ds Dörfli gschländeret und hei no probiert ä Blick u ä Vulkan ds erhaschä. Leider hei üs aber d Wulkä chli d Sicht versperrt. Derfür hei mir üs im CD-DVD Ladä umsomeh amüsiert. Nachdäm mir scho fasch aui guetä Fiumä gchouft hei, hei mir üs mau chli uf d Musig konzentriert. Ungloublech, wie billig und pinlech di CD-Covers vo denä Latino-Bands gmacht si! Praktisch uf jederä Bachada, Salsa, Merengue od. Raggaton CD tänzlet sech ä billigi Silikontittätussi über ds Cover! Mä chönnt meine, es handlet sech um nä cheapä Sex-Film! Bi denä Cover's cha ja d Musig nur Scheisse si :-) Aber schön machts wenigschtens dä Iheimischä Fröid! Scho fasch ä Frächheit, hängä i sernigä Lädä Him, Nightwish und Metallica Poster ar Wand. Vom Sound derzue hei sie natürlech kei blassä Schimmer! Einzig dr Bon Jovi und äs paar Softrock-Bands si no grad verträttä. Da allerdings hei sech uf dä Covers etlechi Schribfähler igschliche. Z.B: Living in player, ber of roses, misunedertood oder Roxete mit eim t. Die Lachnummer pur! Zur Feier des Tages (Halloween), hei mir üs kulinarisch la verwöhne: Äs herrlechs Fondue chinoise!!! Anschliessend isch's no uf nä nächtlechi "Vulkan-Tour" gange. Dr Vulkan hett aber leider scho gschlafe und nur 2 mau müed, schwarz usägröichlet...

Banos: HAPPY BIRTHDAY ANDLÄ!!!               01.11.2006
Erneut si mir zum nä Vulkan-Ussichtspunkt gfahre. Diesmau am Tag. Trotz äs paar Wülklis uf dr Chronä, hei mir's zwüschädürä chli gse usädampfä. Isch aber nid grad dr absolut Hammer gsi. Wär ä rächtä Vulkan wott gse, muess uf di Liparischä Inslä sech dr Stromboli ga inäzieh. Ufem Ussichtspunkt hei mir no Schwitzers und ä Ami troffä. Hie wimmlets nur so vo denä 08:15-mässigä Touris. U aui machä di glichi Reis mit Sprachufenthalt in Quito! Ds Schönschte, d Galapagos, löh fasch aui ussä, da mä immer wieder ghört sägä es sig ja eh vieu ds tüür! Dem ist aber nicht so :-) Um üs d Zyt um d Ohrä ds schlah, hei mir ds Banos am Zoo no äs Bsüechli abgstattet, und hie sogar no nöii Tier entdeckt: z.B. dr Andäbär, Spidermonkeys und ändlech ä Tapir :-) Ä überfettetä, autä Jaguar hett üs ou no agfuchet. Dä isch aber nid haub so schön gsi, wie dä wo mir i freier Natur hei gse!

Banos - Puyo:                    02.11./03.11.2006
Grad wo mir Banos richtig Amazonas hei wöuä verlah, hei mir plötzlech äs Kamera-Team gse dr Vulkan filmä. Im Gägäsatz zu geschter hett dr Tungurahua hütt richtig dampfet. Wow, so gfauts üs scho viel besser! Mir hei rächtsumgchehrt gmacht und am nä Ussichtspunkt ds ganzä Spektakel fotographisch feschtghalte. So präsentiert sech dr Vulkan scho einiges interessanter! Nach langem bestuhne, hei mir's glich no gschafft Banos ds verlah. Hett üs scho fasch chli gröit, denn hie hei mir für di letschtä 3 Nächt dr perfekt Schlafplatz gfunde: uf em nä ruehigä Hotelparkplatz hei mir gratis übernachtet und derzue ersch no di suberi Schissi chönnä bruchä. Das isch üs bis jetz ds Ecuador no fasch nie passiert! D Witterfahrt hett üs i die tropischä Urwaldgebiet zur glichä Hotelchötti gfüehrt. Churz vor Puyo ir Hosteria Monte Selva hei mir üs für nä witteri Nacht niederglah. Allerdings hei sie üs dört pro Nacht 11 USD 25 pro Person wöuä abchnüpfe. U das nur für ufem Parkplatz ds pennä incl. z' Morgä und Poolbenützig. Dank üsem Verhandligsgschick, hei mir ä witteri Gratis-Nacht verbracht :-) Da die Hosteria verschiedeni Aktivitätä abietet, hei mir lieber chli vo däm profitiert! Für das si d Prisä de u billig gsi. Uf em nä Dschungu-walk mit Guide hei mir diversi haubfreii Tier chönnä beobachte. Vor auem d Affä und d Ozelote hei üs interessiert!
Ou ds billigä (5 USD) SPA-Agebot hett glockt. SPA-Shamanico incl. 3 Schlammbäder, Eucalyptus-Dampfbad, Ganzkörper-Schlamm-Behandlig und äs Chrütter-Sprudelbad. Für ä Märsu d Premiere in Sachen Wellness und SPA :-) Hett ihm aber sehr pässlet! Mit em nä glattä Bebehüttli si mir nur äs paar Kilometer wittergfahre bis zur nächschte Tier-rescue-station. Hie hett's Affä gä vor ganz frächä Sortä! Die hei zum Teil a gwüssi Personä im Bekanntäkreis erinneret :-))) Dr frächscht isch ä Capuchin (?) gsi...är hett di angerä Totächopfäffli gjagt und am Schwanz id Töifi grissä! Nach Kenya hei mir zum erschtä mau ds Südamerika wieder chönnä ä Schlange häbä. Ä jungi Boa hett sech  um üsi Armä gschlänglet :-)

Puyo - Baeza:                                04.11.2006
Ä herrlechi, tropischi Hitz hett sech breitgmacht. 34 Grad am Schattä! Hei ghört ir Schwitz sig's momentan nümme grad so amächelig :-))) D Winterjaggä scho gschnallet??? Ufem Wäg vo Tena nach Baeza si mir dür tropischi Rägäwäuder gfahre, dört wo sie no nid grad abgholzt si gsi. Zwüschdürä hett's gschiffet wie us Chüblä!

Baeza - Quito:                        05.11.2006
Wiedermau hei mir ä chlinä Abstächer ds Fuess zum nä härzigä Wasserfau gmacht. Im chlinä Kaff Baeza gitts hübschi Wanderwäglis, wo dür Näbuwäuder zu chlinä Cascadenä füehre. Hie hei sie einiges gmacht für d Touris; nur die fählä zum Glück. Derfür hei mir d Stilli und die schönä Wäuder gnossä, bevor's id Grossstadt Quito isch wittergange. Da dr Erni ir letschtä Zyt nümme so rächt schautet und zwüschdürä absuft, hei mir grad us erschts ä Mech gsuecht. Wäg Sundig isch aber nüt ds wöuä gsi! Uf em nä lärmigä Parkplatz wiederum diräkt ir Landeaflugs-Schneisä hei mir übernachtet.

Quito:                  06.11.2006
Obschon mir hei gmeint es sig öppis Gröbers, isch Erni's Problemli schnäu behobä gsi. U das ersch no gratis! Eigentlech hätt mä söuä äs Kabeli wächsle, was aber in ganz Ecuador nid am Lager isch. Keis Wunder, hie fahrt ou niemmer so näs auts Outo! "Muy antiguo", hett dr Mech gmeint zu üsem Outo gmeint! Ds Problem hett är schlussändlech mit chli Chläbband chönnä fixä. Jetz rouscht dr Erni wieder voll ab...Ds schönä Wätter isch grad perfekt gsi, um Quito ds besichtigä. D Autstadt mit vienä farbigä Gebäude und Chiuchenä hett üs positiv überrascht. Ou dr Blick über d Stadt vom Ussichtspunkt us hett sech glohnt. Nachdäm mir uf dr Terassä no grad äs Bierli mit Quito-Blick hei chönnä gniessä, isch äs höllisches Gwitter ufcho, wo im Durrägä isch usgartet.

Quito - Cotopaxi : HAPPY BIRTHDAY MIRJ!            07.11.2006

Derfür hei mir im nä Tantä Emma Lädeli äs Brot wöuä chouffä. Üs wär's gar nid ufgfalle, aber d Verkäuferin hett üs druf ufmerksam gmacht, dass das Brot bereits sitt em nä Monet abglüffä isch :-) So hei mir dankend abglenht! Sie hett de när ds Brot anstatt ds chüble, promt wieder ids Regau zrügggsteut :-)))

Laguna Quilotoa:             08.11. 2006

Am Morgä am sibni hett üs dr Cotopaxi churz Hallo gseit und isch när wieder hinter Wulkä verschwunde. Mir hei üs när entschiedä zur Laguna Quilotoa ds fahre, lutt Reisefüehrer einä vo dä beschtä Usflüg ds Ecauador. Und das nur grad äs paar Kilometer vom Cotopaxi entfehrnt. Ä türkis grüeni Laguna im nä Vulkankrater hett sech vor üsnä Ougä breit gmacht. Ä fantastischä Usblick i Krater abä! Das hett üs wieder mau zu chli Bewegig animiert. Uf 3'700 Meter obä isch die Wanderig de glich rächt asträngend gsi. Wieder zrügg im Outo, isch grad dr Näbu cho: 5 Grad! Das gitt ä chauti Nacht :-( Da s Wätter i denä Bärgregionä zu derä Jahreszyt uf ä Nami eh Scheisse isch (meischtens Näbu und Rägä, ganz wie ir Schwitz), hei mir ändlech mau Zyt gfunde, ar Anita ihres Spiel ds spiele. Anita, viele Dank no mau aber heis leider nid gschafft. Viellech chömä mir de glich lieber zu dir id Nachhilfe :-)

Laguna Quilotoa - Cotopaxi: 09.11. 2006

No ä letschtä Blick uf di wunderschöni Lagunä und mir si wieder zum Cotopaxi Nationalpark gfahre. Diesmau hei mir dr Cotopaxi i rä sehr schönä Namittags-Stimmig atroffä. Im Nationalpark hei mir's üs uf 3'700 Meter "gmüetlech" gmacht und si üs jetz am überlegä, ob mir ev. dr Gipfu (5'897 Meter) wei stürmä. Äs wär scho no äs Abentüür, ä quasi 6'000-iger ds bestige. Ob mir's de würdä schaffä wär di anderi Frag?!

Cotopaxi -Quito:          10.11.2006

Nach öppä 2 Stund überlegä, hättä mir üs ändlech entschiedä dr Cotopaxi ds bestiegä. Vom nä Hotel us hei mir Guide und Equipement wöuä buechä, doch das hett leider nid würklech klappet. Dr Guide vo Quito wär ersch ä Nacht später cho, und ds Equipement hättä mir o nid im Nationalpark säuber chönnä mietä. So hei mir haut das ganzä abblasä. No ä Nacht länger hei mir de nümme wöuä ir Chäuti verbringe und si drum no am glichä Tag dür Quito gfahre. Morn luegä mir üs dr Krater Pululahua und Mitad del Mundo a. Zum erschtä mau das Jahr schlafä mir wieder uf dr nördlechä Hemisphärä. Das hättä mir wöuä firä mit em nä feinä Ässä, doch üsä blöd Chocher spinnt wieder mau komplett! Gset us, aus hätt dä stupid Coleman grad ganz dr Geischt ufgä :-( Neiiiiiiiii, gitts ja nid! Nid nur dr Chocher isch ds Hudus und ds Fätz, dr Compi geit jetz ou nümme. Mir si ds mitts im nä Film gsi, wo's plötzlech nur no hett gratteret...Feschtplatte im Eimer!!!! So näs Päch, scho dr zwöit Compi uf üserä Reis, wo nümme ds rettä isch!

Mitad del Mundo - Mindo:          11.11.2006

Des einen Leid, des anderen Fröid! Da mir nümme chöi chochä, hei mir geschter äs chauts Gmües-Salätli ohni Hackfleisch gmacht. Üser 400 Gramm Hackfleisch hei mir hütt Morgä derfür am erscht beschtä Hund verfüetteret. Dä hett i ca. 10 Sekundä gierig aues abägschletzt! D Ussischt uf ä bewohnt Krater hett nid so überzügt, drum si mir grad witter nach Mitad del Mundo am Äquator zue. Äs Dänkmau sött uf derä imaginärä Linie stah, leider hei sie sech aber um ca. 200 Meter verrächnet! So isch de das ganzä eigentlech nur ä Touri-Gugus! Interessanter isch ds Museum (Inti-Nan-Museum) näbädranne, wo würklech exakt ufem Äquator liegt. Dört si üs verschieneni Versüech rund um ä Äquator präseniert worde. Z.b. dass ds Wasser uf dr südlechä Haubchuglä im Uhrzeigersinn ablouft, uf dr nördlechä gägä Uhrzeigersinn und exakt ufem Äquator grad. Äs Ei cha mä uf nä Nagu setzä, (hett üs no äs Zertifikat gä:-) ohni dass es abäflügt! Verschiedeni Chraftspielis ändä je nachdäm ob mä ufem Äquator steit so oder anders...Ufem Äquator hett mä Müeh grad ds loufe :-) Ds Museum Intinan isch uf jedä Fau äs Bsüechli wärt! Am Nami si mir uf Mindo gfahre. Äs chlises Dörfli i dä Näbuwäuder, sehr berüehmt für Vögu ds beobachtä. Grüen-grau :-) Hie hei mir äs gmüetlechs Hotelparkplätzli ds mitts ir Natur gfunde und ändlech wieder mau chönnä duschä!

Mindo:              12.-14.11.2006

Ds Fuess hei mir Mindo und Umgäbig erkundet. Uf ärä Schmätterlingsfarm Mariposeria hei mir ä Haut igleit, und di zahlrichä, buntä, jeder grössi Flatters beobachtet. So viel uf ei Hufä hei mir no nie gse! Bim nä anschliessendä Walk dür d Wäuder, hett sech üs dr Amigo agschlossä. Dä tröi Hund isch üs ganzi 2 Stund nachätschaupet, bis är im Dorf vo sinä Artgenossä isch vertriebä wordä! Ufem Wäg zrügg zu üsem Outo, hett üs de ou no dr Willy Wuff begleitet. Ä Hund vo no tröierer Sortä. Är isch nümme vo üserer Sittä gwichä. Das si äuä üsi guetä Schwingigä :-))) Di tröii Seel hett di ganzi Nacht vor üsem Outo verharrt und am Morgä freudig gwädelet. Ds Südamerika hett's würklech ganz liebi Hünd!!! Am liebschtä nämtä mir grad einä mit :-) Später si mir wieder ga Kolibris beobachte. Foti um Foti isch gschossä wordä. Aber nur wenigi flügendi si scharf usächo. Näbscht auem Übu, isch jetz ou no Nadläs Föteler kaputt! Die äquadorialä Schwingigä tüe üsnä Elektrogrät wahrschinlech gar nid guet! Jetz würd de glich ä Ibruch i üses Outo räntiere: 2 kaputti Compis, 2 chlini Digitalfötelers wo nüt tougä (dr eint Kartenfehler und dr ander unscharfi Kackfötelis, Nadläs Föteler, 2 Chochers wo nid einä gieng.....todo rompio!!! Nachem nä feinä z' Mittag si mir mit em Outo id Näbuwäuder gstochä-uf Voguschou! Derbi si üs diversi Mindo Vögelis vor ds Rohr gflattert: zb: ä rufus motmat, ä masked drogan, ä Tucan Choco, ä grüenä Tucan und vo wittem ou no ä Cock-of-the-rock!

5:45 hett dr Wecker tschäderet. Mese goes bird-watching :-) D Nadlä pennet lieber no chli länger und luegt sech ds Spektaku ou no später a. Ds Ornitologä-Tüürli hett sech sehr glohnt! Ou d Übernachtig im Waud mit dä Urwaudgrüsch isch sehr idyllisch gsi. Vorem z' Mittag si no mau d Kolibris ufem Programm gstande. Diesmau im nä Hotel, wo mä üs scho mit em Namä hett kennt :-) Im Hotel el descanso wärdä mir Schwitzers sehr gschätzt, da d Bsitzers CH-Fan's si und ou Fründä ds Bärn hei. Ä grüenä Gartä voller Kolibris hei mir entdeckt und das ganzä vor Bar us mit em nä Bierli :-) Ja und jetz hockä mir leider scho wieder im verschifftä Quito und hofffä morn ä neuä Chocher, PC und Föteler chönnä ds chouffä! Verbottenerwies schlafä mir jetz glich wieder ufem glichä Parkplatz wie scho vor ä Wuchä. Denn isch üs das no erloubt wordä und jetz tüe sie plötzlech schwierig; resp. so nä auti runzlegi Schrullä steut sech quer. Söllä si doch!!! Mir blibe uf jedä Fau :-)

Quito-Otavalo:                       15.11.2006

Ä ganzä Tag si mir i dä Pellerinenä quer dür Quito gschwirrt und hei Ersatz vom kaputtä Zügs gsuecht. Hett ächt apisst! Zum Glück hei mir aber aues gfunde, und am füfi doch no chönnä nach Otavalo fahre! Für ä PC hett zwar ä nöii Feschtplattä glängt, di funktioniert jetz aber immer no nid iwandfrei :-(

Nach ärä Stadtbesichtigung ds Otavalo hei mir üsä 3-Monets-Rückblick a Wösch id Laundry bracht. We mä das numä ds Bärn ou chönnt! Ungerdessä si mir zu rä Cascadä am Rand vom Dorf gwanderet. Die hett üs de besser gfaue aus Otavalo säuber.

Laguna Cuicocha:                            17.11.2006

Ufem Wäg zur Laguna Cuicocha hett üs ds mitts uf dr Strass ds Gaby ufghautä. Ä haubusgwandereti Worberin, wo ihrnä Ougä nid hett trout, ds mitts in Ecuador äs Bärner Outo ds gse :-) Sie hett üs igladä, i ihres no nid ganz fertigä Huus ds Cotocachi. Ä riesä Villä mit super Panorama-Blick, wow!!! Mir hättä ou dört chönnä übernachtä, hei üs aber wieder für Otavalo entschiedä. Dört isch jedä Samschtig ä riesä Märit, berüehmt bi aunä Touris. D Wanderig um di Lagunä Cuicocha hett sech de rächt id Längi zogä. Zersch hei mir ganz schön Wätter gha, när si mir voll verhaglet wordä. Den Pellerinen sei Dank :-) Ganzi 5 Stund hei mir brucht, um ä Kratersee ds umrundä.

Isch aber ä Wanderig wärt gsi!

Otavalo - Mindo:                            18.11.2006

Dr Samschtig-Indiomärit hett sech voll glohnt. Schön gchleideti Froue i Indio-Trachtä und Männer mit längnä Haar hei ihri Kunscht verchouft. Leider hei mir nümme chönnä chouffä, wül üses Outo scho voll isch :-( Da mir im Hochland praktisch aui Touri-Destinationä hei abklapperet, hett no mau ds Voguparadies Mindo glockt. Bim Dorffettischtä Pizzaiolo hei mir üs no mau ä herrlechi Pizza inäzogä. Mhhhhhh, dört si sie eifach dr Hammer! Fasch wie im Pomodoro :-) Üsä Schlafplatz hei mir ja bereits kennt: Äs idyllisches Plätzli ds mitts im Waud. Ou ds bird-watching-Programm hett sech wiederholt. Es schint hie einä vo dä beschtä Plätz ds Südamerika ds si um Vögu ds beobachtä.

Mindo - Atacames:                      19.11.2006

Bereits am Morgä am sächsi si d Vögu zueverlässig erschine (rufus motmat, masked drogan, Tucan Choco....für d Ornitologä unter öich :-) Ds Mindo lohnt sech ds früechä Ufstah uf jedä Fau! Ds Erwachä im Waud mit em luttä Vogugezwitscher isch einmalig! Mindo ghört nach dä Galapagos zu dä schönschtä Plätz ds Ecuador. Im Hochland hei vor auem d Laguna Quilotoa und d Ussicht uf ä Cotopaxi voll überzügt. Ds Mindo hei nir ou no ä Cascadä bsuecht und üs im ca. 14 Grad chautä Flüssli erfrüscht. Bevor's hett afa schiffä wie us Chüblä, hetts no grad glängt für nä Orchidee-Gartä unger d Lupä ds näh. Um Mindo umä wachsä ca. 200 Orchidee-Sortenä. Bim fötelä hett dr Märsu prompt ä Orchidee knickt, wo nur grad a eim Tag blüeht. Ohhhhhhh noooooooooo!!!! D Bsitzerin hett fasch afa hülä! Bösä Mese :-) Vom Paradies straigt on to the hell! Vo Mindo nach Atacames ad Küschtä! We mir hättä gwüsst, dass es dört dermassä gruusig isch, hättä mir Esmeraldas und Atacames grad ussä gla! Im Vorfäld hei mir aber vo üsem dütschä schwuli Kolleg nur positivs ghört und üs so dänkt, es sig ä Abstächer wärt! Scho d Fahrt nach Atacames isch Stress pur gsi, stressiger aus ä ganzi Arbeitswuchä deheim!!! We ä Ecuadorianer einä vor sech hett, muess är dä um ds verreckä überhole! Äs stört ihn ou nid gross, we ihm einä entgägächunnt oder we är 100 Meter später eh muess abbiegä. Houptsach är hett überhout!

Atacames -San Lorenzo:                               20.11.2006

Vo wägä Ferieparadies....Atacames besteit houptsächlech usem nä Ghetto und es paarnä unfertigä Betonblöck. Am Strand lurä Geyers und äs stinkt überau! Total heruntergekommen!!! Mir hei das Kaff trotz Meer und Strand grad fluchtartig verla und si nach San Lorenzo gfahre-zersch am Meer entlang, när dürä tropisch Rägäwaud. Gärn hättä mir i derä Gägend di säutenä Spider-monkeys entdeckt .Für das hättä mir bi irgend so em nä Typ ä Tour wöuä buechä, was üs aber leider nid möglech isch gsi! So si mir haut zur nächscht beschtä Lodge gfahre. Hie isch's jetz ou no ganz schön. Bi Grillengezierpe und em nä Bierli gniessä mir jetz di schöni Ussicht uf ä Rägäwaud. D Strass nach Tulcan ar kolumbianischä Gränzä schint jetz eh no grad gsperrt ds si. Strassäblockadä; sie streikä.....

Wo doch im Hochland ds Ecuador mehrheitlech Indis umästoglä, trifft mä hie praktisch nur Schwarzi a. Mä chunnt sech vor wie ds Africa! Es Paradies für üsi beidä Dave's...Hie zeigt Frou wieder Arsch :-)

San Lorenzo - Alto Tambo:                      21.11.2006

Witt si mir hütt nid grad cho! 40 Km bis zur Strassäblockadä ds Alto Tambo...Hei zersch dänkt, mir chönntä üs irgendwie düräschlichä. Aber da isch gar nüt ds wöuä gsi!!! Ä ganzä Tag und ä ganzi Nacht hei mir gwartet i däm Kaff! Ä Isäbahn-Wagä isch quer uf dr Strass gstande und ds ganzä Negerdörfli hett gwüetet, tobet und trötzelet....Vor auem di fettä Schiss-Wyber hei Haar uf ä Zähn gha!!! Grund: Ds Alto Tambo gitts nur Strom vom Abä am sächsi bis am zäni. A ihrnä Figurä a ds urteilä, sis hie aber definitiv nid die Ärmschtä Mönschä! Sie hei sogar Fernseh, Glettisä, Billardtisch, Handy....äs manglet a Nüt im Gägäsatz zu Bolivie!!! Ds Ecuador schint d Politik aber für gar nüt ds si, obschon mä überau Polit-Plakat gseht hängä. Im Dorf hetts ungloublech vieu Chinder gha. Di meischtä si Cousins gsi, Inzucht?! Mir si natürlech sofort umzwinglet gsi vo denä vielnä Chinder und aui hei üs agstarret, am Guschti umägspielt und üsä Chocher bewunderet :-) So öppis hei sie no nie gse....Während dessä si Politikers ids Dorf cho, und es isch nach ärä Lösig gsuecht wordä. Mir si quasi gfange gsi, uf beidnä Sittä hei sie d Strassä verbarikadiert! Wär wäg hätt wöuä, wär grad mit Steinä beworfä wordä! So dr Gipfu!!! Zum Glück hei mir aber kei Stress und hei so das Gschehä in aller Rueh chönnä beobachtä. D Polizei tougt natürlech wieder mau gar nixxxxxx!!!! Nach ändlosä Diskussionä, hei sie am Abä äuä de doch no ä Lösig gfundä und di 5-Tages-Strassäblockadä isch ändlech ufglöst worde. I 15 Tag chunnt meh oder besser gseit länger Strom! Mittlerwile hetts aber scho ignachtet und mir si nümme wittergfahre.

Add to del.icio.us Add to reddit

Photos / videos of "Guayaquil - Tulcan":