Choose another map, showing:

• India (south)
• Maldives
• India (east)
• India
• Asia
• Eurasia
• Eurasia, Africa & Pacific
• The World

Other entries in Alleppey

Back in Inida, with Iris on the road...

....Weder zrugg en India (Thiruvananthapuram) hani am 19.11 d'Iris am Floghafae abgholt, wo fuer 1 Wochae vo Chennai (business) nach Kerala cho esch -  mega cool!

Mer send am glichae Tag no los nach Alappuzha gfaegt. Am noechschtae Tag frueh uf und grad es Boot fuer en Backwater trip buechet. Das esch de Hammer gsi!!!

D'Iris und ich haend also fuer eus es eignigs Boot gha inkl. erae Mannschaft us 3 Ma: 1 Choch und 2  Stuermaenner (zemli dekadaent)

D' Boot sind us Holz und u schoen baut (siehe Photo).

Mer send also 2 Taeg und ei nacht uf dem Boot (oder scho fasch Schiff)  dur es Labyrinth vo Seeae, Kanael und Floess gschefft wordae, womer au a vellnae Doerfli met ehrne Bewohner verbi cho send. D'Chend send weder mol u herzig gsi! Noed z'vergaesse die unheimlich schoeni Landschaft vo Kerala!

En wonderschoenae Sonneuntergang esch denn de Hoeheponkt vo dem erschtae Tag gsi. Und nachaeme feinae Keralanischae Aessae undemae feinae Wii ufem Boot hemmer de 1 Tag langsam z'Aend goh lo. Pfuset haemmer u guet (keis wonder nach derewaeg Wii) und trotz Mosi-Netz het d'Iris am Morgae en gschwollni Baggae ha (soett halt ned met em Netz alegend ufem Gsecht schlofae....;-)

Nex day, nachemae feinae breakfast, esches wiiter gangae und eusi Scheffs-crew het eus jedae Wonsch vo de Augae abglaesae!

De Backwater trip esch ganz en fiini Sach gsi, unbed. zom wiiterempfaele!!!

Denn esches met de Faehri wiiter nach Kottayam. Doet semmer enes u schoens Hotel (health Resort) und hends eus au do weder guet lo goh loh: emmer fein go aessae, chli Taempel besechtiget, kaeffaelaet, und Oel-massage gnossae.... so muens si!

De Suedae vo Indie unterscheidet sich markant vom Nordae. Han do ehrlich gseit noed so en Standart erwartet! Dorom au de Iris ond mis Motto: "Total gradus" und "do esch eifach alles ganz andersch".

Next stop: Cochin! Zemli en Moderni und Fortschrettlechi city und vorallem: es get ab und zue en rechtigae Kafi!!!

S'Ford Cochin haemmer met de Faehri agstueraet und de Tag met sightseeing verbrocht: Die Chinesischae Feschernetz (siehe Photo again) Dutch Palace met 400 Jaehrigae Molereiae, Fraue bem Gwoerz abfoellae zuegluegt und en Juedischi Synagoga bestuunt.

En Cochin saelber hemmer d'Stadt chli uf eus lo woerkae lo und de Tag met window-shopping und Kaeffelae verbrocht. Am Obig semmer no en traditionelli Kathakalitanz- Uffuehrig go gugge, speziell schoen gsi!

Hoet am Morgae esch denn d'Iris back uf Chennai gflogae und denn id Schwiiz. Mis Reisli goht no es betz wiiter: domani met em Zog 15 Std. Noerdlich....

Add to del.icio.us Add to reddit

Photos / videos of "Back in Inida, with Iris on the road...":