Schinznach Dorf, Switzerland
47° 27' N 8° 7' E
Jan 12, 2006 21:41
Distance 6940km

Text written in: German

Goa-Bombay-Switzerland....

..... so das eschsi also gsi, mini zwoiti grossi Reis! Es eschs en absolut crazy trip gsi und velles esch passiert woni noed em Traum demet graechnet haet. Ben e de ganzae Waelt omae-chattaet und e 10x meh Laender gsi als ursproenglich planet. Ich han weder onheimlich schoeni Bekanntschaftae doeffae mache, sigs met Iheimischae oder eifach traveler woni "on the road" troffae han. Jedi Einzelni Erfahrig esch en Bericherig. Dankbar beni au, dasi die Ziit ohni ernschthafti Problem, sigs Chrank si oder susch Gsundheitliche Problem, han doeffae erlaebae. Liebschtae Dank an alli, wo mech be dem Traum onderstoetzt und a mich daenkt haend!

No was zom Nochdaenkae:

Han muessae beobachtae, dases unheimlich veli traveler get, wo eifach so dur d`Gaegend "tschumpplae" und es onmoeglichs Verhaltae gaegenober de Iiheimischae an Tag legget.... eifach ohni Fiingfuehl, truurig! Veli Laender send vom Chrieg zeichnaet und emmer no allgaegewaertig, Armuet und Koruption regiert... Und trotzdem, die Moenschae händ s`laechlae noed verlernt.

Was mich au sehr beschaeftigt send die Umwaeltproblem! Unglaublich was z.B en Indie, Nepal, Kambotscha, ect. alles abgoht! Seeae, Floess und Waelder verschmotzt bes zom abwenkae. Ok, a velnae Ortae esch kei Gaeld omae om so Problem en Greff z`becho, doch doet wo Gaeld omae esch gohts de Regierig uf Duetsch gseit am Arsch verbi und schaldet uf sturr. Nod z`vergaesse esch au, das mer so em Oeberfloss choend laebe, well sehr veles a denae Ortä Produziert werd...

Und trotzdem: es get unwahrschindlich schoeni Flaeckae uf derae Aerdae ...

Goehnd usae und entdeckaed si!

Photos / videos of "Goa-Bombay-Switzerland....":

[image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image] [image]