Choose another map, showing:

• Australia
• Oceania
• Eurasia, Africa & Pacific
• The World

Other entries in Sydney

4.Woche Sydney

Dia Zit goht eifach viel z'schnell und schu isch a Monat uma. Aber jo langsam gsehn au alli Wucha oeppa glich us: Schuol, Usgang, Suennala...

Aber jo da Usgang isch da hammer am Zischtig gohts immer uf Sydney in Usgang isch eifach nu hammer. Mir sind immer im The Gaff isch a mega coola Club zwar findsch fascht kei Australier aber dafuer a guoti mischig us aller Welt. The Gaff isch a bekannta Backpacker Club. Am Zischtig findat immer a Weat T-Shirt contest statt s'erschta mol hani mi gfrogt wia kamma do nu mitmach aber jo in Australia aendert sich d'Istellig relativ schnell und schu bini mit da Carina uf da Buehni gstanda as isch eifach nu hammer gsi :-) Mir haends eifach mega luschtig kah und haend ues ab dena kaputt glacht wo umbedingt haend woella gwuenna ;-) Meina o.k ma kan 200 Dollar gwuenna. Isch no witzig im Club trifftma immer wieder d'Studenta vu da andera Schuola.

Ajo und i lerna immer wieder oepis neus do in Manly. Am Dunnstig bini go Skate mima Skateboard hi hi isch no relativ streng muosch immer ageh und da schiss Brett macht eifach nid da wo ma woett:-)

Und den ischs schu wieder Fritig gsi, usnahmswis simmer amol nid an Shelly Beach sondern haend a ACE BBQ am Littel Manly Beach kah. Do da Frischi mir a Flaescha Appenzeller gschickt haet haemmer ues de schmecka loh. D'Brasilianer lieban Appenzeller und sind trurig gsi das i nu ei Flaescha kah han:-) S'Bloeda isch eifach ma kann nued umbesichtigt umaligga loh wil as wird eifach nu klaut und so bin do gstanda ohni Portmonei:-(

Am Samstig simmer wieder amol go surfa aber autsch da Brett isch mega hart wenner ad Nasa kunnt ergebinis: Nasablueta und a gschwullni Nasa :-( hi hi aber kei angst i gang wider go surfa :-)

Wema so viel um d'Ohra haet wia i goht Zit eifach mega schnell. Ajo und jetzt weissi sogar wa i noch da Schuol macha. Heisst wen min Fuehreruswis akunnt Fluegi den uf Perth vu doet ah gohts witer mim Greyhound Bus richtig Broome-Darwin-Alice Springs-Uluru-Cairns-Surfers Paradise-Byron Bay-Sydney den isch oeppa Silvester und nochher gohts witer noch Victoria wo genau kei ahnig eifach aso das i oeppa am 18 Januar in Melbourne bin und den gangi as Australien Open. So gseht min Plan us fuer dia naechsta paar Moenat. Aber zerscht gangi no brav 2 Wucha id Schuol (Schwizer Schuol) As sind oeppa 80 Schwizer akoh am Samstig und alli macha da Cambrige aber jo i bin a Russin, zwar glaubt mir da niemmert aber jo probiera kamas :-)