Choose another map, showing:

• USA (west)
• Mexico
• North America
• Transatlantic
• The World

Other entries in San Diego

The Island of Coronado

Geschter hemmer en Suntigs-Usflug uf Coronado gmacht. Mer; das heisst d'Burcu, Ossi, Seraina und ich. D'Insle Coronado liit genau vor San Diego ide Bucht und isch vor ueber 100 Johr zunre Luxus-Insle gmacht worde. Sie het en Huufe schoeni, tueri Hotels druf, viel Restaurants und schoeni Straend. Allne Hotels vora isch vor allem s'Hotel Del Coronado weltbekannt.

Mer hend ues denn mol gmuetlich am eis (jo noed zfrueh:)) ide Stadt troffe und sind als Iistimmig zeme en Kafi go trinke im "St.Tropez" (es het ganz en schoene Kellner doette, mer goend wieder mol doethi;)). Nocher hemmer gad no so knapp s'Schiff am zwei verwuetscht und sind ueberegfahre. Uf de Insle Coronado acho hemmer en wunderbare Blick ueber d'Skyline vo San Diego gha. Mer hend denn doette es "Velo" fuer 4 Persone gmietet und sind e halb Stund de Kueste entlang gfahre. Es isch uh choge luschtig gsi und hend eimol sogar fascht en Velofahrer umgfahre... *ups*

Nocher hemmer ues uf de Weg ad Touristeattraktion No. 1 gmacht: Hotel Del Coronado. De Film "Manche moegen's heiss" het doette gspielt, jenschti Promis logieret doette und d'Priise pro Nacht sind zwueschet 250 und 1000$ (keis Problem, oder???). Jedefalls isch es wuerkli eifach de Hammer doetti gsi und de Strand isch eifach wunderbar. Mer hends choge gnosse doette und hend sogar no e Hochzytsgsellschaft gseh, oder besser gseit, de Ort, adems am Obig gfiiret hend. Es isch alles wuerkli wie im Film gsi, traumhaft.

Zrugg ufem Schiff simmer alli soooo mued gsi, dass mer gad hettet choene ischlofe. Es isch aber en mega schoene Tag gsi und mer hend so richtigs California Feelin' gspuert. Mer merkt aber, dass es scho Oktober isch, wils am Obig schneller chuehl wird. Aber solang mo tagsdur no churzaermlig chan umelaufe, isch das jo noed so es Problem:)

Add to del.icio.us Add to reddit

Photos / videos of "The Island of Coronado":