[ Zoom Map ]

San Diego, United States
32° 42' N 117° 9' W
Oct 02, 2008 18:43
Distance 0km

Choose another map, showing:

• USA (west)
• Mexico
• North America
• Transatlantic
• The World

Other entries in San Diego

Phil's BBQ and thinking about San Francisco

Text written in: German (Swiss)

Sitem letschte Iitrag isch etz halt scho ueber e halbi Wuche vergange. Ich entschuldige mich fuer das, aber es het halt au demit ztue, dass mer de ganz Tag ide Schuel sitzet und doet meischtens scho noed gad so Weltbewegends passiert... Mer hend am Mentig aber uese erschti Practice Test gha und mini Note sind noed emol so schlecht usecho. Ich hetti scho mol knapp bestande, und das isch no guet zwuesse. Etz mueni mi sicher noed zfescht astrenge di noechschte paar Wuche:)

Am Zischtig Obig simmer denn e paar vode Schuel inre Aktivitaet go esse gange und zwor is Phil's BBQ. Doet hets so richtigi Huehnli und Spare Ribs gha und unghueri Portione, wie mo sich das halt so vorstellt, wenn mo a Amerika denkt. Sowieso isch do so vieles wie usem Bilderbuech. Mo het s'Gfuehl, d'Amis gibet sich richtig Mueh, dem Bild z'entspreche. So fahrt jede sicher mitem groeschtmoegliche Auto ume, d'Portione muend eifach so gross wie nur moeglich sii (oebmers mag esse oder noed, isch glich) etc. etc. D'Luet do sind defuer aber immer choge fruendlich und hilfsbereit. Luschtig isch au ihri Puenktlichkeit, was de Bus anbelangt. Dene isch es so egal, oebs 5 Minute spoeter choemet oder noed. Mer isch es sogar mol passiert, dass de Busfahrer anre normale Haltestell usgstiege isch und ines Restaurant ufs WC gange isch...;)

Geschter noch de Schuel simmer no en Kafi go trinke und do hend d'Seraina und ich de relativ endgueltige Beschluss gfasst, dass mer zeme uf San Francisco goend noch de Schuel im Dezember. Ich hans jo sowieso so plant gha und sie het sich denn entschlosse, dass sie gern woer mitcho...:) Han mega Freud, wird sicher luschtig. Etz muemer eifach afange plane, vo wege Unterkunft, Flug uf San Francisco, etc...