Choose another map, showing:

• USA (west)
• Mexico
• North America
• Transatlantic
• The World

Other entries in San Diego

Beach, San Diego Zoo and Shopping

Di erscht Wuche in San Diego isch scho ume, wahnsinnig wie schnell das goht. Etz hani jo nuno 11 Wuche vor mir;).

Am Fritig Nomitag isch immer schuelfrei, drum simmer alli zeme an Strand gange, und zwor an Mission Beach(es het ca. 3 verschiedeni Straend). Zerscht ischs no bewoelkt gsi, wies um die Johreszyt am Strand huefig isch, aber denn isch dSunne voerecho und es isch uh schoen warm gsi. Nochem Strand (ca. 18.30uhr) hemmer aber noed gad heiwoelle, drum hemmer ues entschiede, gad am Strand ines Restaurant go esse. Es isch meeega schoen gsi; de Sunneuntergang waehrend em Esse vo Nachos etc. aluege und eifach gnuesse!

Am Samschtig Morge hemmer ues am 11i (scho) troffe zum in Zoo go. De Zoo vo San Diego isch bekannt und liit im Balboa Park. Mer sind jedefalls 3 Stund ide grelle Sunne idem Zoo gsi und hend immer no noed alles gseh gha. Langsam simmer aber so mued worde und hend kei Luscht meh gha, dass mer denn gange sind, und gseit hend, mer goend de Rescht spoeter mol go aluege (mer hend es Ticket, wo di ganze 3 Moenet gueltig isch). Zudem sind d'Chind vode Lehrerin, wo debi gsi isch, so unerzoge, dass es eim fascht de Hemdaermel inenimmt. Sie hend eifach gno, was hend woelle, sind eim di ganz Zyt uf d'Fuess gstande und hend eifach kei Astand gha...

Drum simmer denn am 2 p.m. gange und hend ues uf de Weg is Fashion Valley gmacht. Es chunt natuerli luschtig use, wenn ca. 8 Fraue zeme go shoppe goend. So simmer ca. 3.5 h am Shoppe gsi, sind aber in nur insgesamt 3 Laede vo dene unzaehlige doette.

Uebrigens: I mue en Iitrag vo fruehner berichtige... Fashion Valley isch's groescht Shopping Center vo San Diego und noed Horton Plaza. So oeppis chan mo sich gar noed vorstelle (liebi Luet vode Shopping Arena: mer choend do wuerkli ipacke, das muesstet  ihr mol gseh ha!!!). S'Guete ade ganze Sach isch, dass s'Fashion Valley gnau uf mim Heiweg liit. Choent no tuer werde so...;)

Sooo, das waers fuer huet, d'Foeteli tueni spoeter druf. Irgendwie isch de PC vo minre Host-mom wie usem letschte Johrhundert und er erkennt mini Kamera noed... Machets guet ide chalte Schwiiz, ich gange etz an Strand:)

Add to del.icio.us Add to reddit

Photos / videos of "Beach, San Diego Zoo and Shopping":