Choose another map, showing:

• Australia
• Oceania
• Eurasia, Africa & Pacific
• The World

Other entries in Sydney

Second week> Sydney and Anglesea

am zischtig ischs ab nach sydney gange. euses hostel isch im gmuetlich, herzige stadtteil glebe glege, noech vode city. jedoch herrscht i dere stadt de verkehrsstau und d'busfahrt cha sich lang hiezieh... s'waetter isch sunnig und heiss xi und drum ischs grad ab a die beruehmt bondi beach gange. eusi mission het gheisse: brun werde & vorallem s meer gnuesse! und debi de ville surfer zueluege und de jungs i ihrne vill z'kurze boardshorts! a die mode muemer eus echt no gwoehne. am naechschte tag isch denn s'touriprogramm ufem plan stande, operahouse&harbour bridge! obwohl mier ja scho vill fotis vo dene kultbaute xeh hend hets eus extrem beiidruckt. vor allem s'operehuus isch eifach genial und mier hend eus so gfreut, das alles mal live choene z'xeh. mit de faehre simmr denn ad manly beach wiiter und hend eus endlich selber bretter gschnappt und id welle devogmacht jeeeee!

am abig het eusi touri-mappe nur 1 duerftigi bar usgspuckt und die het eus zu fescht nach irischem pub toent mit zu villne betrunkne englaender. bim umestreune simmr denn au prompt vorere villsprechende tuere gstande. s'schicksal isch eus guet gsinnt xi und mier hend en iitritt guenschtiger becho fuers konzert und die anschinend beschti uk-live band alabama3 erlebt. d'musik isch rau und in richtig country xi, de gsang um droge und sex aber vor allem melancholisch. zum schluss simmr denn ploetzlich im backstage bereich gstande und hend gmerkt wieso alli so guet ueber whiskey&co bscheid wuesset. eus ischs denn aber langwilig worde und mier sind go schlafe will am naechschte tag es wiiters highlight gwartet het: d'band cut copy live in sydney! en traum isch wahr worde, s'konzerti im metro isch amaaaazing xi inkl. de vorband damn arms...en echte gheimtipp!

mier hend die stadt denn echli trurig wieder verlah aber das isch noed lang vo dur xi. in melbourne acho het eus de vater vode gabs abholt und uf anglesea, ca. 2 stund usserhalb vode city, bracht. de ort, wo die ganz familie Nancarrow wohnt und wo's eifach traumhaft soell si luut gabs. und sie het eus noed zvill versproche: die beruehmt bells beach -de geburtsort vo ripcurl&co-ganz ide noechi, sowie buchte mit wissem sandstrand, d'great ocean road vor de tuer, kaenguruhs ufem golfplatz, kakadus und koalas ide baeum und last but not least d'familie nancarrow. sie hend eus so herzlich empfange wie ihri eigete chind mit gschenkli ufem bett und guetem esse. jede wunsch isch eus vode auge abglese worde. gabs und de james sind denn am abig au nacho und hend eus am folgende tag im cabrio d'great ocean road entlangkutschiert. au wenns chli kitschig toent, de tag isch irgendwie mystisch xi.  d'strass isch i fiinem nebel ighuellt xi und s'meer ungwoehnlich rau mit grosse welle. d'waelder um eus hend tropisch duftet und spoetischtens wo mer mit offnem verdeck under de koalas dure gfahre sind wo wie chline zauberwese ide baum versteckt gschlafe hend, hets eus voellig iignoh... s'eigentliche highlight, die 12 aposchtel, isch denn wegem tourischteahdrang chli undergange was echli schad xi isch. ufem rueckweg hemr d'route durd felder und wiesene abseits vom meer gnoh und d'farm vode gabs ihrne grosseltere bsuecht. ihri granny isch jedoch letscht jahr verstorbe und de grossvater lebt jetzt ziitiwiis mit de nancarrows in aglesea und drum het eus nur de hund monty freudig empfange. obwohl de onkel de hund uf sini farm ide nachbarschaft mehrmals versuecht het mitzneh, isch er immer wieder zude farm vode grosseltere zruggkehrt und wott dete blibe. herzzerrissend, oder?!

wiiteri gschichtli werdet folge....cheers

eui chicas

Add to del.icio.us Add to reddit

Photos / videos of "Second week> Sydney and Anglesea":