Choose another map, showing:

• Sri Lanka
• India (south)
• Maldives
• India (east)
• India
• Asia
• Eurasia
• Eurasia, Africa & Pacific
• The World

Other entries in Cape Comorin

Kanyakumari

Und weder mol, eschs eis witer gange. Mir haend vo Kovalam de Bus nach Kanyakumari gnoh.
S esch ganz schoen gsi, so fascht elleige i dem grosse alte Bus z hoeckle, aber der Schein truegt. Kei Stund esch es gange, und de Bus esch hagelvoll gsi!! Ich han en Stund wie i de Volterchammer muesse sitzte. Beidi Chnueh ahgspannt bis zu de Bruscht, d Fuess uf em Tramper. I saege euch, en Stund chan vextrem lang si, vor allem wenn eim d Fuess und Bei nach 15 Min. ischlofe. Insgesammt sind mir 5 Std. gfahre.
Kanyakumari, d Inder nenne de Ort "Land s End" es esch zunderscht am Zipfel vo Indie, witer gohts nuemme. S het zwoi spezielli Sache do. 1. d Sunne goht 365 Taeg im Johr det ufe, wo sie au weder abegoht. 2. Im Oschte isch de Indischi Ozean, im Weschte s Arabische Meer und im Suede de Pazifik, alles wird do zu einem. Im Monsund heig s Meer vo jedere Site en anderi Farb.
Geschter, (siehe Fotos) haend mir ois a dem Zipfel es Sunneuntergangsplaetzli igrechtet. d Atmosphaere esch unbeschriblech gsi, han das letschtmol in Kambotscha (Ankor Wat ) doerfe erlaebe. S het so vel Pilger do, mis Huehnerhuetli het nuem weg welle. Das chan i gar ned beschribe, das mues eifach saelber erlaebt waerde.
Ich bin det det so ghoecklet (d Selda esch am Filme gsi) hoecklet uf de andere Strossesite en Sadhu (en Sadhu esch en Moensch, wo s waeltleche Laebe ufgeh het, und asketisch laebt). Mit Hindimusig esch er am umewippe gsi, und het Chai trunke. Mir haend enand immer chli agluegt, und irgendwie haend mir beidi die tolli Atmosphaere gnosse. Ich en Zigi ahzuendet und ihm au eini hegschtreckt. Er Stoht uf, chunnt mit langsamem Schritt zu mir ueber, nimmt behutsam eini us em Paeckli, seit danke, und goht weder a sis Plaetzli go witerwippe. Nach ca. 10 Min. chunnt en chline Bueb (Selda weder zrugg vom Filme) und stellt ois beidne en Chai he. Bevor ich ihn han choenne zahle, esch de Bueb scho weder weg gsi. Ich luege zum Sadhu uf de andere Strossesite, er hebt sin Chai ufe, laechlet, und denn eschs mir klar gsi, er het ois en Chai offeriert. Ohhhh, wuessed ihr wie han ich freud gha:-) :-) :-)
Hoet morge, 05.45 Luetets be ois a de Tuere, ich als langschloefer natuerlech gar ned go ufmache. 5 Min. witerglaege, chunnt vo usse luti, schoeni Tempelmusig. Irgendwie het mi das ganze komisch dunkt. Und De Paedu schtoht uf, leit sini Chleider a, und goht ohni Morgewaeschete (bin ganz vertschuderlet gsi) go de Sonneufgang gnuesse. Natuerlech esch de Sadhu weder a sim Plaetzli ghoecklet und am wippe gsi. S het denn en schoene Morgegruess geh und denn han ich mich vor ihm verabschiedet, han de Sonneufgang gnosse (laeck bobby) bin zrug gloffe, han underwaegs bimene alte scho purzelmuntere Maenndli en Chai trunke, und bin weder ab under d Federe.
Hoet am 17.00 gohts mit em Zug nach Madurai, 6 Std. wird oeppe d Fahrt si, es seit jede chli oepis anders. Hoffe jetzt eifach ned, dass es grad 10 Std goht. Mir haend de Zug vorreserviert, aber natuerlech scho weder fascht alles usbuechet gsi. Ich bin weder mol seeeeehr gspannt, was mir fuer en Sitzplatz haend. Also, Daumendrueck und e guete Tag.

Nachtrag: De Sadhu mit de Hand het ois uf de Chai iglade.
De Sadhu uf de letschte zwoi Foetteli, esch vo geschter Obe 17.00 bis hoet morge 06.00 am gliche Ort, i de gliche Stellig am Mantra abelaese gsi.
Als ich vo ihm es Foeteli han doerfe mache, het ers welle gseh. Und als er sich uf em Display gseh het. Hets gmacht "Huu" und er esch glaub grad saelber ab sich verschrocke, hehe... wot ned wuesse, wie lang er sich scho nuem im Spiegel aglueget het, warschindlech scho es Zitli her. Aber er het denn doch freud gha.

Patrick

Add to del.icio.us Add to reddit

Photos / videos of "Kanyakumari":