Choose another map, showing:

• India
• Asia
• Eurasia
• Eurasia, Africa & Pacific
• The World

Other entries in Munnar

Munnar

So haend mir i Cochin fuer vier Taeg en Taxifahrer gmietet, und sind am morge 06.00 ca. 5 Std. nach Munnar gfahre. Munnar esch eis vo de hoechschtglaegnige Teeabougebiet vo de Waelt. Liet uf ca. 1200 Meter und es esch sehr chalt gsi, brrr.... Mir haend binere indische Familie gschlofe, wo zwoi Zimmer vermietet. Sie nenne das Roeses Garden. De Tomy (Papi vo de Familie) het ois als mir acho sind, ganz stolz sis Gaertli praesentiert. Ajurvedapflanzene, Litchis, Banane, Pfeffer, Vanille, chli Tee, chli Kafi..... s esch ehr interessant gsi, vor allem, wie das zuegs so duet wachse. Nach em ganze Rundgang het de d Rajee (s Mami) de Tisch bedekt zum Zmorge aesse (obwohls scho 12.00 gsi esch)  s het Riskornflakes mit verdrueckter warmer Banane geh, Omelette mit Kokosraspeln, und Toast mit huseignigem Honig. Zum trinke huseignige Kafi, und Kardamontee.
Denn eschs zu de Teeplantagene gange. Heieiei, han mine Auge ned trouet... ueberall Tee Tee und nomol Tee. Ueberall Hoeger und ebe, ueberall Tee, juheee han ich freud gha:-) leider esch s Waetter ned so supi gsi. Immer chli graegnet, und naeblig, weder mol chli Swissfeeling gha.
Zum Znacht hets denn Kerelanischi Chuchi geh, njanjam. Fleisch, wo i ned gaesse han (immer no Vegi) defuer veeeeel Gmues!!! Ruebli mit Zuegs dinne, Chapati (Fladenbrot) Chohl mit zuegs dinne, Ris mit zuegs dinne, Saucene fuer uebers Ris, und Banane zum Dessert. Mir haend also zmorge und Znacht mit de ganze Familie, und emene Paerli us Barcelona gaesse. S esch sehr interessant gsi fuer ois, mol binere indische Famillie z si, und ihre Tagesablauf choenne z erlaebe.
Am naechschte Tag sind mir mit oisem Chauffeur, em Mr. Antony nach Tamil Nadu (Hillstation 2200 Meter) gfahre. Aber als mir dobe gsi sind, hets so vel Naebel gha, dass mir d Ussicht gar ned haend choenne gnuesse. Do sind mir ines Huettli ghoecklet, haend chli mit de Iheimische plauderlet, und Masala Chai trunke, wie jede Tag mit irgend oepperem.
Geschter morge eschs denn weder 5 Std. witer gange, und jetzt sind mir in Periar fuer 2 Tag.

Add to del.icio.us Add to reddit

Photos / videos of "Munnar":