Choose another map, showing:

• South America (south)
• South America (central)
• South America
• The World

Other entries in Santiago

coole tag gsi :)

sodeli, scho wieder es lebenszeiche vo de nadia ;) mir gohts super, ha huet wieder schuel gha und bi ez bis vor churzem mit mim lehrer ufere Stadttour gsi. mir sind mit de Metro is Centro gfahre, da isch de aeltischt Stadtteil vo Santiago. Doet hemmer de Plaza Adearmas (oder wie de au immer heisst...), s Regierigsgebaeude, d Kathedrale und die voschiedene Strosse gseh. Manno mann, hets doete viel luet. abartig, mega imposant. es het au u viel Strossekuenstler z.B. hemmer huet en Pajaso (en Clown) gseh und Strossemusiker. Mir sind au no ime seeehr spezielle CafÑ gsi, isch voll glatt, doet gits "Café con piernas" :) wuesset ihr wa da isch??? Tja, hmm, i ha noed schlecht gstuunet wo de Pablo mir denn gseit het, dass da Cafe mit Beinen heisst. Hmm da isch e chilenischi Spezialitaet. aber hääää, wie mue me sich das vorstelle??? Also da isch ganz en normale Kafi, aber er wird serviert vo Chicas mit seeeeehr knappe Kleidli, wo me ebe d'piernas gseht... Also .... jo.... da isch ebe e Spezialität vo Chile und jo... i bi so ziemli di einzig Frau gsi i dem KAfi ine... Jaenu, sottigi Cafes schinet do normal z'si por qué hay muchas sottigi Cafes. und au u viel luet dine, vo junge Mane ueber alti Chilenos... alles... De Pablo het gmeint, es gebi mengs Manne wo "abhängig" seged vo dene Kafis und irgendwie 3 Mol pro TAg doet here goend.

Jo me gseht, es git voll viel z'entdecke und i ha echt Angst, dass 2 Wuche viel z churz sind... Jaenu, i mach s besti drus, chas eh noed aendere. Am Dunschtig goemmer denn ebe id Ande go snowboarde. uf da freui mi scho u mega. nimmt mi wunder, wie sich s im suedamerikanische Schnee fahrt ;)

Am Wuchenend mueni unbedingt emol is Museo Historico, da het mir de Pablo (min Lehrer) mega empfohle. Hehe, de isch voll lustig, er het ez gad d Fotene vom Wuchenend vom Usflug ide Berge uf sin PC glade und isch total begeisteret ;) vo de Familiefoeteli isch er au hin und weg und Berg findet er fantastico und muy silencio... Hehe voll herzig, i bi do mega d Attraktion 1. wili us de chline SChwiiz chume und 2. wili i us some herzige winzige Doerfli chume.... isch voll lustig, fuehle mi gad chli wie es riiiiiese Landei...

Also, ez mueni wieder mol usem Internet usego... I gang ez e SIM-Karte go chaufe, damit i guenstiger chan kommuniziere do. und fuer ali die wo lust hend, informieret eu doch mol ueber "helvatel", mit dem chame u guenstig uf Chile telefoniere... i meld mi denn, sobald i e chilenischi Nr. han.

Chao

PS: huet isches entli mol chli waermer de TAg dure. Nimmt mi jo wunder, wie i mir am Obet denn wieder eine wird abfruehre...

Photos / videos of "coole tag gsi :)":